您會儲起另一半送您的小東西嗎？
我是天生儲物狂
我會儲埋好多我認為對我有意義的小東西
例如戲飛尾，人地寫畀我既小字條等等。
而麥仔既野，大部分我都覺得有意義既
所以您會喺我個寶盒到見到我地食飯既單，
餐廳既卡片，去旅行買野既單等等等等
麥仔喺我地一齊去韓國，我地喺餐廳等上菜時
無聊用餐廳紙巾摺左隻紙鶴畀我，
我都偷偷袋左落袋帶番香港。（可惜岩岩發現消失了嗚呀）
因為我覺得有意義
想收集好所有美好的回憶
就算有日忘記了，睇番都可以依稀記得我地做過咩
對呀，我是花痴程度既儲物癖
但我知道我儲既每樣野都對我有種不同程度既意義
圖片既冰皮月餅盒，係兩年前既中秋節麥仔買畀我
當時我地仲未一齊，我同佢講哎呀今年未食冰皮
然後當日放工，佢叫我幫佢去雪櫃拎啲野
原來就係拎佢畀我既月餅。
（上面果張係當日喺公司收到驚喜後影，下面係岩岩影）
月餅留不下，包裝盒我完好地留下了
最大意義就係過左兩年今日望番，仲記得當天的心情
而更重要係，拍拖兩年之後如果我話想食冰皮月餅
麥仔仲會唔會咁sweet偷偷買畀我呢？
應該唔會。佢會話：咁唔健康又凍您氣管唔好唔準食。
嗯如果咁都算一種浪漫，咁.......都......幾....sweet丫（好似係）
Search